Below are some sample quotes from Harchand's published works:

Two Liners or Dhoe ( ਦੋਹੇ )

ਚੰਦ ਜੇ ਮਾਫੀ ਮੰਗਿਆਂ,ਮਸਲਾ ਹੋਜੇ ਹੱਲ
ਇਸਤੋਂ ਸੌਖੀ ਜੱਗ ਤੇ, ਹੋਰ ਨਹੀਂ ਕੋਈ ਗੱਲ ॥

ਫਿਰਦੀ ਦੁਨੀਆਂ ਬੌਂਦਲੀ,ਰਹਿਜੇ ਮੇਰਾ ਨੱਕ
ਕੀ ਫੈਦਾ ਨੱਕ ਦਾ ,ਜੇ ਤੁੜਵਾਲਿਆ  ਲੱਕ ।

ਪੈਸੇ ,ਪੁਤਰ,ਪਲਟਣਾਂ,ਚੰਦ ਨਾਂ ਕਰੀਏ ਮਾਨ
ਆਪਣੇ ਕਿਲੇ ਚ ਕੈਦ ਹੋ ਮੋਇਆ ਸ਼ਾਹਜਹਾਂਨ। 

ਜੇ ਤੂੰ ਰਾਣੀ ਬਣਨਾ,ਚੰਦ ਪਤੀ ਨੂੰ ਰਾਜ ਬਹਾ
ਉਸਨੂੰ ਕਮਲਾ ਆਖ ਕੇ,ਕਮਲੀ ਨਾ ਅਖਵਾ ।

ਜੋ ਚੰਦ ਪੇਕੇ ਪਾਲਦੀ,ਉਹ ਕੁਚੱਜੀ  ਨਾਰ
ਆਪਣੇ ਹੱਥੀਂ ਆਪਣਾ,ਪੱਟ ਲਏ ਘਰ-ਬਾਰ ।
 
ਬਾਬੇ ਪਾਇਆ ਗਾਤਰਾ,ਚੰਦ ਪੋਤੇ ਕੱਢੀ ਟਿੰਡ
ਬਾਬਾ ਪੁਛੇ ਜੋਗੀਆ ,ਕਿਹੜਾ ਤੇਰਾ  ਪਿੰਡ  ।

ਚੰਦ ਅਸਮਾਨ ਤੋਂ ਨਿੱਤ ਕਰੇ, ਧਰਤੀ ਨੂੰ ਫਰਿਆਦ
 ਭੇਜ ਪੰਜਾਬੀ ਆਪਣੇ,ਜੋ ਮੈਨੂੰ ਕਰਨ ਆਵਾਦ ।